Ndërtimi i qeverisë maqedonëse, LSDM­ – BDI: Kushti ynë, gjuha shqipe

Pas takimit të djeshëm dy partitë LSDM­ dhe BDI, vendosin si kusht zyrtarizimin e gjuhës shqipe për të marrë pjesë në reformimin e qeverisë.

Shefi i kabinetit  të Ali Ahmetit, Artan Grubi deklaroi se nëse LSDM­ pranon kushtin për zyrtarizimin e gjuhës, atëhere nuk do të ketë pengesë tjetër për formimin e koalicionit qeverisës.
“Nuk  shoh arsye pse mos ta pranojë. Besoj që do të jenë reflektues në lidhje me këtë dhe nuk shoh asnjë maqedonas pse mos ta pranojë për arsye se kjo platformë i ndihmon kohezionit shoqëror, një barabarësie qytetarësh dhe i bën mirë shëndetit të Republikës së Maqedonisë. A mendoni atëherë se negociatat mund të përfundojnë shpejtë në qoftë se ka një frymë të tillë? Në qoftë se ka frymë konstruktive dhe në qoftë se ka gatishmëri për t’i reflektuar këto nevoja, po, absolutisht po”,  shprehet  Grubi.

Zëdhënësi i LSDM Petre Shilegov, deklaroi se pret që vizita e euro­komisarit të enjten, të vërtetojë nevojën për ndryshime.
“Ditën e sotme e shfrytëzojmë për konsultime brenda­partiake kurse në rast të takimeve të reja do të njoftoheni. Nga vizita e Han presim që të vërtetohet se Maqedonia në zgjedhjet e 11 dhjetorit votoi për ndryshim të kësaj Qeverie dhe të vërtetohet angazhimi për formimin e Qeverisë politike që do t’i sjellë ndryshimet e nevojshme” deklaroi Shilegov.

Nga takimi i dy partive, duket e shqetësuar partia VMRO DPMNE­ e ish-kryeministrit Nikolla Gruevski.

Source: gazetatema.net

Leave a Reply

Your email address will not be published. Required fields are marked *